Swyddog Marchnata a Chyfathrebu
Rydym yn chwilio am Swyddog Marchnata a Chyfathrebu greddfol a deinamig i ymuno â'n tîm prysur.
Mae NoFit State yn gwmni syrcas gyfoes sydd ag enw da yn rhyngwladol.Bob blwyddyn, mae’r cwmni’n mynd â chynyrchiadau ar daith yn ei Babell Fawr ac yn perfformio mewn theatrau a safleoedd awyr-agored ledled Prydain a thramor. Yng nghartref y cwmni yng Nghaerdydd, cynhelir rhaglen o ddosbarthiadau a phrosiectau proffesiynol a chymunedol trwy gydol y flwyddyn a darperir cyfleusterau ar gyfer nifer o gwmnïau ac artistiaid annibynnol sy’n ymweld.
Mae'r cwmni'n edrych ymlaen at gyfnod o ymweliadau, ymgyrchoedd, newyddion a digwyddiadau cyffrous. A chithau'n Swyddog Marchnata a Chyfathrebu, mae gennych waith pwysig yn cryfhau a meithrin enw da’r cwmni a’i broffil. Bydd gofyn i chi sicrhau hefyd bod pob rhan o’r rhaglen yn cyrraedd targedau presenoldeb a chyfranogiad trwy ddatgan pwy ydym a beth rydym yn ei wneud a thrwy hyrwyddo ein gwaith ar draws pob platfform.
Ymunwch â ni!
Oriau Gwaith: Swydd lawn amser
Cyflog: £26,470
Lleoliad: Caerdydd
Dyddiad cau ar gyfer ceisiadau: 12pm, dydd Llun 9 Tachwedd 2026
Darllenwch y Disgrifiad o'r Swydd sy'n atodedig i ganfod manylion pellach am y rôl. Gofynnir i chi lenwi’r ffurflen gais a’r ffurflen fonitro cyfle cyfartal. Anfonwch eich ceisiadau at [email protected] [email protected]
Os teimlwch y gallech wneud y swydd hon ond nad ydych yn ticio pob bocs ym manyleb y person, neu os credwch y byddai arnoch angen tipyn o hyfforddiant neu gefnogaeth ychwanegol er mwyn llwyddo’n llwyr, byddem yn dal wrth ein bodd yn clywed wrthych.
https://www.nofitstate.org/gyrfaoedd
cyflogwr cyfleoedd cyfartal
Mae NoFit State yn ymdrechu i fod yn gyflogwr Cyfle Cyfartal ac mae’n croesawu ceisiadau o bob rhan o’r gymuned.
Os oes arnoch angen fformat gwahanol neu help â’r broses ymgeisio oherwydd anghenion penodol, cysylltwch â [email protected]
Oriau Gwaith: Swydd lawn amser
Cyflog: £26,470
Lleoliad: Caerdydd
Dyddiad cau ar gyfer ceisiadau: 12pm, dydd Llun 9 Tachwedd 2026