derbynnydd
Mae NoFit State yn dymuno penodi rhywun i ymuno a thim cryf ac effeithiol y dderbynfa.
Mae gwaith derbynfa yn un o rolau pwysicaf y cwmni, sy'n sicrhau bod rhaglen ddosbarthiadau a rhaglen gweithgareddau cymunedol y cwmni'n rhedeg yn esmwyth a'u cefnogi, a chydweithio'n agos â'r tîm gweinyddol. Mae'n rhaid eich bod yn drefnus, yn frwd, yn ddeinamig ac yn gyfeillgar gan gyd-fynd â gwerthoedd y sefydliad. Byddwch yn cydweithio â'n cymuned amrywiol ac yn trin ei haelodau ag urddas a pharch. Cawn ein hysbrydoli'n barhaus gan y pethau rhyfeddol y gall pobl gyffredin eu gwneud ac rydym yn cynnig awyrgylch cynhwysol i bawb.
Rydym yn gweithio i roi cyfleoedd hygyrch a chreadigol i bawb i ymwneud â chelfyddyd unigryw syrcas gyfoes, ac rydym yn annog pobl i feithrin hunan-fri, i fynegi eu creadigrwydd ac i feithrin perthynas â'u cymuned, gan ddysgu sgiliau newydd a chael profiadau newydd.
Nofit State yw’r mwyaf o gwmnïau syrcas gyfoes teithiol y Deyrnas Unedig. Bob blwyddyn, mae'r cwmni'n dod i gysylltiad â 120,000 - 150,000 o bobl o bob oedran a chefndir o Gymru, y Deyrnas Unedig a'r byd.
Ymunwch â ni!
Darllenwch y Disgrifiad o'r Swydd sy'n atodedig i ganfod manylion pellach am y rôl. Gofynnir i chi lenwi’r ffurflen gais a’r ffurflen fonitro cyfle cyfartal. Anfonwch eich ceisiadau at [email protected]
Os teimlwch y gallech wneud y swydd hon ond nad ydych yn ticio pob bocs ym manyleb y person, neu os credwch y byddai arnoch angen tipyn o hyfforddiant neu gefnogaeth ychwanegol er mwyn llwyddo’n llwyr, byddem yn dal wrth ein bodd yn clywed wrthych.
Oriau gwaith: Rhan amser
Cyflog: £12.60 yr awr
Dyddiad cau: 10am, dydd Mawrth 17 Mehefin
cyflogwr cyfleoedd cyfartal
Os oes arnoch angen fformat gwahanol neu help â’r broses ymgeisio oherwydd anghenion penodol, cysylltwch â [email protected]
Mae NoFit State yn gyflogwr Cyfle Cyfartal ac mae’n croesawu ceisiadau o bob rhan o’r gymuned. Ar hyn o bryd, nid oes gan bobl anabl, B/byddar a/neu niwrowahanol, pobl o gefndiroedd sy’n fwyafrif byd-eang na phobl o dan 30 gynrychiolaeth ddigonol yn ein tîm ac felly rydym yn annog pobl o’r grwpiau hyn, yn neilltuol, i ymgeisio.
Oriau gwaith: Rhan amser
Cyflog: £12.60 yr awr
Dyddiad cau: 10am, dydd Mawrth 17 Mehefin